ரேக்ளா ரேஸ் நகை கடை முருகன் | ரேக்ளா பந்தய மாடு வளர்ப்பு

ரேக்ளா ரேஸ் குறித்த முதல் வீடியோ என்பதால் மிகுந்த ஆர்வத்துடன் இருந்தோம். வழக்கம்போல் காலை 5 மணிக்கு அலாரம் வைத்து, 6 மணிக்கு கிளம்பினோம், அவனியாபுரம் நோக்கி. மேகமூட்டமாக குளிர்ச்சியாக இருந்ததால், அவனியாபுரம் பைபாஸ் சாலையில் ஒரு தேனீர் கடையில் வடையுடன், தேனீர் அருந்திவிட்டு காத்திருந்தோம்.

நம்மை அழைத்துச் செல்வதாக கூறியிருந்த திரு.கனி அவர்கள், சற்று நேரத்தில் அங்கு வந்தார். இந்த வழியாக சென்றால் 3 கி.மீ தொலைவில் தோப்புக்கு சென்றுவிடலாம் என்று கூற, நாமும் அவர் பின்னால் சென்றோம். தூரம் போய்க் கொண்டே இருந்தது. விமான நிலையம் அருகில் சோளங்குறுனி எனும் இடத்திற்குள் அமைந்துள்ள தோப்புக்குள் அழைத்துச் சென்றார்.

நாம் அவருடன் மாடுகளை பார்த்து அதுகுறித்து பேசிக் கொண்டிருந்த அடுத்த 10 நிமிடங்களில் ரேக்ளா ரேஸ் உரிமையாளர் நகை கடை திரு.முருகன் அவர்கள் அங்கு வந்துசேர்ந்தார். எங்களது மாத இதழை கொடுத்து எங்களை அறிமுகம் செய்து கொண்டோம். அதன் பிறகு ரேக்ளா மாடு வளர்ப்பு குறித்து சந்தேகங்களை கேட்க ஆரம்பித்தோம்.

அவருடன் சில இளைஞர்கள் ஆர்வமுடன் தோட்டத்திற்கு வந்தனர். அவர்கள்தான் ரேக்ளா ரேஸ் மாடுகளை பராமரித்து வருவதாக தெரிவித்தார் முருகன் அவர்கள். தோட்டத்தை ஒரு விசிட் அடித்துவிட்டு, ரேக்ளா ரேஸ் குறித்து நேர்காணலுக்குச் சென்றோம். பல தகவல்களையும், மூன்று தலைமுறைகளாக ரேஸ் மாடுகள் வளர்த்து வரும் தனது அனுபவம் குறித்தும் முருகன் அவர்கள் அரை மணி நேரமாக நம்மிடம் பகிர்ந்து கொண்டார்.

பேட்டி முடிந்தவுடன், வழக்கம் போல் எங்களுக்குத் தேவையான காட்சிகளை வீடியோவாக பதிவு செய்து கொண்டோம். அதில் எனக்கு மிகவும் பிடித்திருந்து காட்சி, ரேக்ளா மாடுகள் ரேஸ் வண்டியில் பூட்டப்பட்டு, ஒத்தை வழித் தடத்தில் பறந்து வரும் காட்சிகள் தான், சினிமாவில் பார்ப்பதுபோல் இருந்தது. இன்னும் அந்த நினைவுகள் ஓடிக் கொண்டே இருக்கின்றன.

ரேக்ளா ரேஸ் நேர்காணல் எனக்கு புதிய அனுபவத்தை கொடுத்தது. இன்னும் இதுகுறித்த பலரின் அனுபவங்கள், பயணங்கள், ரேஸ் நடைபெறும் இடங்கள் என அனைத்தையும் பதிவு செய்யும் விதையாக இந்த வீடியோ அமைந்தது மகிழ்ச்சியான விசயம். இந்த வீடியோவிற்கு ஏற்பாடு செய்து கொடுத்த கனி அவர்களுக்கும், எங்களது கேள்விகளுக்கு பொறுமையாக பதில் அளிக்க முருகன் அவர்களுக்கும் எங்களது நன்றிகளை தெரிவித்துக் கொள்கின்றோம்.

நாளை கொறநாடி நாய் குறித்த வீடியோ பதிவு செய்யப்படும். நாளை மறுநாள் ரேஸ்மாடு வண்டி சிங்கம் என்ற வீடியோ பதிவு செய்ய உள்ளோம். இதற்காக காரைக்குடி வரை பைக்கில் செல்ல திட்டமிட்டுள்ளோம். அந்த பயண அனுபவம் எப்படி இருந்தது என்ற அனுபவத்தை உங்களுடன் பகிர்ந்து கொள்கின்றேன்.

நன்றிகள் !!

________________________________________________________

உங்கள் தொழில் சார்ந்த வீடியோக்கள் எடுக்க நீங்கள் எங்களை அழைக்க வேண்டிய அலைபேசி எண்:

Hello Madurai M.Ramesh – 95 66 53 1237. (Whatsapp)
_________________________________________________________
மேலும் ​எங்களது Hello Madurai App எனும் பிரத்யேக செயலியை கூகுல் பிளே ஸ்டோரில் இலவசமாக பதிவிறக்கம் செய்து எங்கள் வீடியோக்கள் உள்பட ஒட்டுமொத்த மதுரையையும் உள்ளங் கையில் வைத்துக் கொள்ளலாம்.

? App Link: https://play.google.com/store/apps/de…

? Facebook :https://www.facebook.com/maduraivideo

?web site : https://hellomaduraitv.com/

?web site : https://hellomadurai.in/

?web site : https://tamilvivasayam.com/

? Telegrame Link: https://t.me/hellomadurai
_________________________________________________________